عم فكر فيك

عم فكر فيك ومش عم ملّ
عم إحلم لو حدّي بتضلّ
بتفل.. بخاف ، بضيع ، بجنّ
كرمال عيوني لا تفلّ !

مغيّر حالي بكلماتك
مضيّع عقلي بنظراتك
بتعرف إني مش عم إقدر
إحلف إلا بحياتك ؟!

غالي على قلبي إسمك
ربّي مدوبني بجسمك
غلغل حُبّك جوّا الروح
ع ضلوعي بينقش رسمك !

ما مخلّى بقلبي إلا
ألف مصيبة وعم حلا
نار ولهفة وشوق وغيرة
وحيرة ، ودخلك شو مخلّى !

لو تعرف فيي شو صار
نهاري ليل ، وليلي نهار
شفت الضحكة لما بتحكي
هيدي خلّت عقلي طار !